بس ماں میں تھک گیا

بس ماں میں تھک گیا
...................................
اس روز مرن تے جین توں
دُکھاں دا زہر پین توں
میں تے ڈاڈا ہُن اک گیا
بس ماں میں تھک گیا............!

تیرے کولوں اُٹھ کے نسیا سی
تیرے کول مُڑ کہ آیا واں
تیری گودی فیر سر رکھ گیا
بس ماں میں تھک گیا..............!

تو جمئیا تے کھڈایا مینوں
پھڑ اُنگلی چلن سکھایا مینوں
تیرا ہتھ چھڈا کہ دوڑیا تے
دُنیا نے ٹھگیا ستایا مینوں
سواہ بُک بُک بھر بھر پھک گیا
بس ماں میں تھک گیا.............!

تو چوری کُٹ کُٹ کھوانی سے
مُقدر گُھٹ گُھٹ روایا اے
تو پانی کُلی کرانی سیں
لوکاں نے خون تُھکایا اے
مزا میں زہر دا چکھ گیا
بس ماں میں تھک گیا............!

جد صاحب بنن نوں نکلیا سی
کُچھ پیسے کھٹن نکلیا سی
تو واسطے دے دے ڈکیا سی
رُک جا پُترا نہ جا پُترا
ویلا اوکھا ظالم اے
دے دے مثالاں دسیا سی
تیرے ہنجواں تے میں ہنسیا سی
ہن ڈگیا تے نال نک گیا
بس ماں میں تھک گیا...........!

تو رون کدے نہ دتا سی
بھوکیاں سون نہ دتا سی
دیکھی ماں اج سون نہ دئیں
اکھاں بند اج ہون نہ دئیں
اتھرو تے ساہ میں ڈک گیا
بس ماں میں تھک گیا...........!

تو چولا کرک چُننی سیں
لوکاں نے پتھر مارے نے
تو باری چن دکھانی سے
ویلے دنے دکھائے تارے نے
شریر او وکھو وکھ گیا
بس ماں میں تھک گیا...........!

میں بُخار دے بہانے لبنا ساں
تیرے پیار دے بہانے لبنا ساں
دس نی ماں بُوا کھولدی کیوں نئیں
کتھے ساں پُچھدی نئیں
سُدھراں گا کدوں بولدی کیوں نئیں
بہانہ نئیں اج گل سچی ہے
ہائے نی ماں میرا لک گیا۔۔۔۔۔
بس ماں میں تھک گیا
بس ماں میں تھک گیا