راہواں تیریاں تک کے پترا

راہواں تیریاں تک کے پترا
بہ گئی آں میں تھک کے پترا
بن تیرے نہیں رہنا پتر
ادریواں نہیں سہنا پتر

تیرے نال سی جگ دے جھیڑے
باہجھ تیرے نیں سنجے ویہڑے
اکھیاں وچوں رت وی چو گئی
آس تری اچ بڈھڑی ہو گئی
سب کمائیاں چلھے ڈھا کے
چھیتی دے نال ٹکٹ کٹا کے
مڑ وطناں نوں آجا پترا
گھر وچ پھیرا لا جا پترا

جے کوئی مینوں انج بلاندا
رب دی سونہہ میں دوڑا جاندا
گھر وچ سنگھنی چھاں جے ہندی
جیوندی میری ماں جے ہندی
جیوندی میری ماں جے ہندی